„ახდება ძალიან ბევრი თბილისელის ოცნება. ის ოცნება, რომელიც უკავშირდება 21-ე საუკუნის თბილისის განვითარებას. მარტო მშენებლობის სტადიაზე 3 000 თბილისელი იქნება დასაქმებული. გამონთავისუფლებული ტერიტორია, რეალურად, იქნება თბილისის ახალი ცენტრი, საქმიანი ზონა, სადაც უამრავი მაღალანაზღაურებადი და მაღალი კვალიფიკაციის სამუშაო ადგილი შეიქმნება ისევ ჩვენი თბილისელებისათვის. ეს არის დიდი პროექტის დასაწყისი. იმ პროექტის დასაწყისი, რომელიც ძალიან ბევრ სიკეთეს უქადის თბილისს და თბილისელებს 5, 10, 15 წლის პერსპექტივაში. სწორედ ასეთი პროექტებით, ესე ნელ-ნელა, მაგრამ მტკიცე ნაბიჯებით ჩვენ შევძლებთ შევქმნათ ის გარემო თბილისში, რასაც სვლა კეთილმოწყობიდან და კეთილდღეობამდე ქვია,“- განაცხადა ქალაქ თბილისის მერმა გიგი უგულავამ. |
შპს „საქართველოს რკინიგზის“ გენერალური დირექტორის ირაკლი ეზუგბაიას თქმით, „ეს არის საინჟინრო-სამშენებლო პროექტი. სამშენებლო ბიუჯეტი გახლავთ 168 მლნ ევრო. დიდი მასშტაბებით წავა მშენებლობა, ვინაიდან კონსტრუქციული ნაწილი საკმაოდ რთულია.მოიცავს დაახლოებით 5 კმ გვირაბების და 3 კმ-ზე მეტს ხიდების მშენებლობას. დასაქმების რაოდენობაც ასევე მნიშვნელოვანი იქნება. დასაქმდება2-დან 3 ათასამდე ადამიანი. ეს არის საქართველოს რკინიგზის მიერ მოზიდული სესხი, კომერციული პირობებით, სახელმწიფოს გარანტიის გარეშე, რომლითაც ხდება ამ პროექტის დაფინანასება. |
